بعد إسبوعين وعليهم يوم صيام
مع الفول والطعميه كنت في غرام
تعدي ع الجزار يادوب تقول سلام
وبتاع الفراخ تشوفه …ف الأحلام
أكيد ناوي ع الرز المعمر في برام
معاه جوز فراخ أو قول يعني حمام
صحن ملوخيه…طشه بالتومه…أحلي كلام
اللحمه أسعارها نار…..كفايه كام جرام
تقفل عليك الشقه…..هتندم…..بلاش كلام
إذا كان الكلام من فضه فالسكوت من دهب ياكرام
مش وقت زيارة …..للأهل…..الخال والخاله والأعمام
دي السفره ع الضيق…..صدقوني…..حرام
…..بص ع الخريطه…..
عايزك تبص ع الخريطه…..شوف…..فين السودان
فين ليبيا…..أصبحت قفه…..من غير ودان
والعراق…..كبريت…..من غير عيدان
وسوريا…..خراب…..جماجم وديدان
واليمن…..عصابات…..هجروها الجيران
وتونس…..إرهاب…..إقتصاد خربان
مافيش غير مصر…..سفينه…..ليها ربان
…..خسوف…..
شايف القمر مكسوف…..قالوا عليه خسوف
الوش أحمر خجلان…..ف السما ملفوف
ياناس أيه السبب…قولولي…إعملوا معروف
يمكن يكون زعلان…..أو يمكن عنده ظروف
