د/علاء حمودة : البحرية المصرية تلقن البحرية التركية درساً لن تنساه(رؤية هامة جدا )

شبكة الملايين الإخبارية16 أكتوبر، 2016

1 64 3 دقائق

متابعة : سلوى الجزيرى

لو ربطنا شوية أحداث مع شوية حقائق.. و بطلنا نبص تحت رجلنا.. أو نركز في نقطة واحدة.. و ربطنا المواضيع بشكل استراتيجي.. و استعملنا التسلسل المنطقي.. ممكن نوصل لحاجة..
اللي في الصورة دا موضع “حقل ظهر Zohr Field”.. اللي أرباحه الشهرية توازي بليون يورو.. يعني عشرة مليار جنيه شهريا.. و اللي تركيا و إسرائيل إتقهروا عليه.. خصوصا بعد ما حطينا النقط علي الحروف مع قبرص و اليونان واعترف الجميع إن الحقل داخل مياهنا الإقليمية…
من حوالي 6 سنين و تركيا و اسرائيل عندهم شبه يقين إن في حقل غاز في البقعة دي.. بس لأن محاولة الوصول له تسبب صدام مباشر مع مصر.. المواضيع كان لازم تتاخد بالسياسة مش بالدراع.. و كان لازم يوصل مرسي للحكم…
لما وصل الأخ مرسي للحكم جاب تركيا و قرر يعمل معاها مناورات بحرية عنده..! عند الحقل دا بالذات في شرق المتوسط.. زي ما هو واضح في المصدر رقم 1.
مناورات و تركيا بقى تحط علامات و تقيس و تعمل انزال لضفادع.. تحت أعيننا و بصرنا.. يعني من الآخر بيسلم لهم الحقل.. دا لأن مرسي هو الرئيس المنتخب و الخليفة زي ما انت عارف طبعا…
لما حصل انقلاب تركيا.. و بدأ أردوغان يسيطر علي اسطنبول تدريجيا.. اتحركت من ميناء أنطاليا علي المتوسط 14 قطعة بحرية تركية.. قالوالنا يومها “دي قطع إنقلابية و عايزة تساند الإنقلاب”..
طيب تساند الإنقلاب تقوم تبعد عن تركيا نفسها؟ الإعلام ساعتها قال إنها إتجهت للمتوسط…
يومها سمع أهالينا في بورسعيد و مدن القنال أصوات الطيران المصري.. و لو تفتكروا هزرنا و قلنا “إنزل يا سيسي دي فرصتك”.. بس الحقيقة إنه بعدها مباشرة.. أعلنت وسائل الإعلام التركية إختفاء الـ14 قطعة بحرية بتوع تركيا…
ساعتها قالولنا في الإعلام.. القطع دي اختفت في المتوسط.. زي ما هو واضح في تاني مصدر..
لما سألنا إيه اللي موديها المتوسط.. قالوا لنا دي كانت رايحة اليونان… (تالت مصدر)!
رايحة تساند الإنقلاب من اليونان يعني؟؟ و اليونان دي زريبة كده بتدخل مياهها الإقليمية أي قطع بحرية معدية؟؟
للي مش عارف.. السلاح البحري اليوناني سلاح قوي.. و متفوق علي البحرية التركية و البريطانية نفسها.. ترتيبه 22 علي العالم.. بينما تركيا ترتيب سلاحها البحري 51.. بافرق شاسع عن البحرية المصرية المتصنفة سادس أقوى سلاح برحي على وجه الأرض..
دا تلاقيه في رابع مصدر …
فراحوا مغيرين رأيهم خالص و قالولنا: لأ دي اختفت في البحر الأسود معلش.. مش في المتوسط…
دا موضح في خامس مصدر.
اختفت فين في البحر الأسود و إزاي لا مؤاخذة؟ البحر الأسود بحر مقفول.. و بيطل عليه شوية متسولين.. سوا رومانيا و للا مولدافا و للا أوكرانيا.. مفيش حد له حيثية هناك غير روسيا.. و روسيا بعيد عن أنطاليا جدا..
و شوية و القطع البحرية التركية دي حصّلتها كام قطعة جوية تركية برضه.. و محدش عارف راحوا فين…
يعدي وقت و نسمع الطيران مرة تانية في مدن القنال و نهزر تاني.. و بعد ست أيام.. في يوم 20 يوليو.. تطلع تركيا في غيظ و توتر تقول لنا “لأ معنديش قطع بحرية اختفت اصلا”…!
دا تلاقيه في المصدر السادس…
ايه اللي حصل…
الي حصل و مافهمتوش وقتها.. و بدأت افكر فيه مع كلام الرئيس حول أهمية الحقل.. علي مايبدو.. هو إنه دارت معركة بحرية جوية حقيقية في المتوسط.. بين مصر و تركيا.. و إن نظام أردوغان استغل قصة الإنقلاب دي و دفع بقطع بحرية تركية تسيطر علي الحقل.. لو نجح.. يبقى بركة و أسهمه تطلع في السماء.. و لو فشل.. يبقى “دول انقلابيين مش تبعي”.. زي ماعمل في الطيارة الروسية…
يسيطر علي الحقل.. و حلني بقي تحكيم دولي و قضايا و نزاعات و قرارات لمجلس الأمن.. على ما تتحل يكون استنزف الحقل..
قطع بحرية تركية تتحرك.. طيران مصري طالع.. قطع تختفي.. طيران مصري راجع…
و احنا بنهزر و نضحك علي الإنقلاب و نستغل أصوات الطيران في التنكيت.. و مجاش في بالنا أبدا اللي بيحصل على الأرض…!
واضح على ما يبدو.. إن في معركة حقيقية حصلت.. و إن أردوغان قطعه البحرية اللي مش لاقيها لحد النهاردة بكامل أطقمها؛ “إتأسرت”.. مش اختفت.. في عملية نظيفة للغاية.. مايقدرش يقول بعدها “قطعي دخلت المياه المصرية الإقليمية و اختفت هناك”…
وواضح إن الموضوع مبقاش فقط محصور في حروب الجيل الرابع.. دا خرج للجيل الثالث.. معارك حقيقية و تكنولوجيا عالية و قطع و بوارج..
و على ما يبدو إن دهاليز السياسة المعقدة بتفرض علينا إننا مانعرفش أي شيء عن اللي بيجرى.. لأنه مش ممكن يعلن دلوقتي…
فكر فيها.. الموضوع منطقي جدا..
يا ترى لسه بتسأل ليه بنعمل مشاريع تجذب استثمارات و تجيب فلوس ؟
يا ترى لسه بتتساءل بنصرف علي التسليح ليه؟
يا ترى لسه شايف الطامعين اللي حواليك دول.. و للا خلاص فقدت العقل؟