…الوالدين…..
أكيد ف يوم من الأيام…..هتكون يتيم
عشان كده عايزك تكون ع الدوام رحيم
راعي المريض منهم لما يكون عيان سقيم
إوعي في حوارك معاهم تعمل فيها فهيم
إسمع ليهم…..أفكارهم صدقني…..أصل التعليم
عليهم خليك عطوف…..وكمان…..حليم
عشان تكسب السما …..وتبعد ع الجحيم
إلي وزيرة الصحه……
السلام الوطني لا ينمي ف المريض الإنتماء
الإنتماء هو إنك تلاقي قطن وشاش
الإنتماء هو إنك تتعشي مش ماتتعشاش
الإنتماء هو ترحمني من دفع الفاتوره كاش
الإنتماء هو أشوف المريض…..حي وعاش
الإنتماء هو تكون ملاية السرير أحسن قماش
الإنتماء هو تحفظ كرامتي…يعني ماتعراش
الإنتماء هو إني أعيش في حالة إنتعاش
الإنتماء هو يكون العلاج المجاني صحيح ببلاش
الناس ألوان…..
الحياه علي كل شكل…..مختلفة الألوان
فيها المبسوط والمفرفش…..والزعلان
رايق البال والمتعكنن…..والقلقان
وكمان الغني والفقير…..والغلبان
صاحب القوه البدنيه…..والعيان
واحد مرتاح البال والتاني شايل الهم أطنان
كاره الفن والفنون والعكس صاحب الذوق وفنان
شاغل الوقت بالعمل والطرف التاني كسلان
شباب عنده أمل وشباب من نفسه قرفان
عايزين الكل سعيد…..مشغول بالحب…..ولهان
