بقلم الشاعر :- رامى ممدوح
جايلك يا أمى بشوق وحنين
جايلك يا عشق السنين
ما انت اللى علمتينى الرجولة
كيف تكون ولأجل مصر
حياتى تهون
علمتينى معنى الدفاع
وان مصر لازم تطاع
بس نسيتى يا امى تعلمينى
اعمل اية لما توحشينى
اصلى الرصاصة يا امى غدارة
ينزف القلب منها بمرارة
بس حياتى لما تفدى مصر
مش خسارة ماانت علمتينى
ان الدفاع عن بلدى دى الشطارة حتى لو الرصاصة يا امى غدارة
جيتلك يا امى بعلمها ملفوف
وقلبى ما يعرف خوف
كفاية يا امى متعيطيش
ان غبت بالجسد بالروح هعيش
شوفى يا امى الزفة دى ليا
وكمان جنازة عسكرية
والعروسة مصر مستنية
عايز يا امى افديها
حتى لو مش هكمل فيها
بس دموعك صعبة عليا
كفاية كدا يا نن عنية
انا رايح للديان اللى لا يغفل ولا ينام هذكر مصر عالدوام
وادعى يصبرك يا أمى كمان
خليكى فاكرة يا امى متنسيش
انا ضحيت لأجل مصر تعيش متخافيش وأمانة متزعليش
انا غبت بس فيكى هعيش
انت علمتينى فى مصر
لنكون عايشين أو فى ترابها مدفونين اصلى الموت يا أمي بالنسبة لينا ان مصر تغيب عنينا
ولو عايزة تعرفى يا مصر أنا مين
أنا عاشق لك من ملايين
أنا اللى بحبك من سنين
انا اللي نقشتك عالجبين
انا اللى حبك بعد ربنا العالمين
واسمحيلى فى الختام اقولك
سيرى للامام وتعيشى ام الدنيا وتحلى الايام المرة وتفضل يا مصر حرة ولاولادك الدرة
والله يرحم يا أمي كل بطل نفيس
قدم روحه لأجل مصر تعيش
مش انت يا امى اللى علمتينى
يبقى خلاص افرحى وودعينى
وعند ربك استودعينى
وشهيد احتسبينى
رحم الله كل شهيد
وصبر أسرهم وذوايهم
وحفظ مصرنا الغالية
