لقائي مع الرئيس
في يوم كنت جالس في البيت وبفكر في احوال مصر وكمان كنت بفكر اكتب ايه في مقالي القادم . تليفوني بيرن فتحت قلت الو . قالي حضرتك جمال رشدي . قلت له أيوة يا فندم قال لي انا فلان الفلاني من رئاسة الجمهورية. فقلت والله ما ناقصة تهريج . أنت مين. قال لي يا فندم انا مش بهرح . انا فلان الفلاني . قلت له لما أشوف آخرتها ايه معاك أهلا وسهلا . قال لي سيادة الرئيس عاوز يقابلك ضروري بكرة ..كمان سيادة الرئيس .قال لي من فضلك الامر ضروري ولازم تكون الساعة واحدة بكرة في الاتحادية ..وكمان عاوز تعمل فيا مقلب وتخليني اضرب مشوار من المنيا الي الاتحادية في عز الحر والجو نار حرام عليك يا اخي . ضحك الرجل وقال من فضلك صدق أن ال معاك رئاسة الجمهورية .قلت له والدليل ايه . قال لي خمس دقائق وتتأكد واستاذن مني وقفل الخط وبعد دقائق رن صديقي الصحفي الكبير المقرب من الرئاسة وقال لي لازم بكرة تكون في الاتحادية ضروري . قلت له دا فعلا الموضوع جد . قال لي أيوة الريس عاوز يقابلك ضروري . قلت الريس مرة واحدة . طيب سلام علشان أرتب نفسي . جريت علي الدولاب علشان أشوف بدله كويسه البسها . وأنا بقلب في الدولاب جت تحت أيدي جلبيتي الفلاحي الصعيدي مسكنها وضحكت وقلت لنفسي انت اتجنيت يا جمال تدخل علي الريس بجلبيه فلاحي . ووقفت وفكرت وقلت والله فكره حلوة جدا وليه لا . كويت الجلبية وظبطها . وتاني يوم الصبح لبستها وروحت المحطة وركبت اقرب قطر . المهم وصلت القاهرة وعلي الساعة 12.30 كنت امام قصر الاتحادية . دخلت علي الحرس قلت لهم عندي ميعاد مع الريس الساعة واحدة. طبعا الظابط نظر لي وضحك يفكرني بهرج معاه . انا كمان ضحكت قلت له حلوة الجلبية الصعيدي . قال لي أنت منين قلت له من عروس الصعيد قال من المنيا قلت له أيوة . قال منين في المنيا قلت له من سمالوط لقيته قال منين من سمالوط قلت له ايه حكايتك قال لي أصلا انا من سمالوط . قلت له انا من البيهو . خرجت له البطاقة بص فيها وضرب مئة واحداشر حوالين حاجبه وقال لي معقول قلت له ايه قال انت جمال رشدي انا اسمع عنك وبقرأ مقالاتك . أخذني بالحضن والترحاب وقال لي انا الظابط فلان ابن الحاج فلان من شارع أبو زهران من سمالوط . وحاول يعزمني علي حاجة قلت له الله يخليك علشان الميعاد لما اخلص المقابلة نبقي نقعد مع بعض براحتنا . قال لي لحظة اتصل بالتليفون علي ما يبدوا بمكتب الرئيس واستفسر عن الميعاد . وبعدها دخل معي الظابط السمالوطي ووصلني الي مدير مكتب الرئيس . لقيت مدير المكتب رجل فاضل و متواضع وبسيط خرج بره المكتب واستقبلني بابتسامه كبيرة قلت له عارف انك بتبتسم بسبب الجلبيه هز دماغه وسكت . جاب لي شاي صعيدي . شربت الشاي . وجه ظابط أخذني لمقابلة الريس دخلت جوا في طرقه طويلة وبدأت أشم ريحه عبق التاريخ والأصالة وحسيت ان الجلبيه ال انا لأبسها جزء من ذلك التاريخ والأصالة . بعد شوية لقيت نفسي امام الريس .ارتعشت يدي وهي مدودة بالسلام عليه هو حس بكدا لقيته ضحك وسلم عليا جامد وقال لي اذيك يا صعيدي . امسكت بيده وبطريقه عفوية وبدون ما اشعر قلت له اذيك يا ابن احمس . وظلت يدي بيده لمدة لا تقل عن دقيقة وتمالكت نفسي واذا بي احتضنه حضن حنين ملئ بالأشواق وانسالت دموعي من عيني . واذا بيده يمسح دموعي ويقول لي اذيك يا صعيدي . ونظرت في عينيه فوجد مصر تجلس في بريقها فاحتضنته مره اخري . وقلت له اذيك أيها الجنرال الذهبي ابن احمس..وجلست أمامه وصمت قليلا حتي اجفف دموعي لبدء الحديث . وقلت له عارف يا ريس دموعي نزلت ليه . فصمت بانتظار إجابتي . قلت له لأنني عندما احتضنتك سمعت أنفاسك و همساتك وهي بتقول تحيا مصر . تحيا مصر . تحيا مصر . تكلم الريس وقال اهالينا في الصعيد اخبارهم ايه قلت له بيسلموا عليك وبيحبوك . لكن وصمت قليلا . فقال لي عارف ان الناس ظروفها صعبه وعارف ان الناس بتشكي من غلاء المعيشة . فصمت . فقال لي علشان كدا انا عاوز أسمعك اتكلم. قلت له يا ريس انا صعيدي وآل في قلبي علي لساني مش اعرف اتكلم بطريقة دبلوماسية . قال لي علشان كدا طلبت اقابلك . انا عاوزك تتكلم براحتك .. امتلكت نفسي بعد ان وجد أمامي شخص متواضع بسيط . ومهتم انه يسمعني .. قلت له بص يا ريس . ضحك وقال بصيت يا سيدي . قلت له إدارة الأزمة والمشكلة لها إجراءات وخطوات معينه.. أولها دراسة المشكلة جيدا .ثم تشخيصها تشخيص سليم . وبعد كدا تبدأ عملية العلاج. لان علم الادار يقول من المشكلة يأتي الحل . بمعني . من مكان المشكلة يبدأ التخطيط للحل وبيد أصحاب المشكلة يبدأ العلاج .استوقفني وقال لي تقصد ايه . قلت له مشاكل مصر المتوارثة منذ عقود .. جهل . فقر . تطرف . فساد .سوء إدارة .فقال لي متفق معك . فقلت لازم في الأول نبحث عن المكان الموجود فيه تلك المشكلات . وهو قاع المجتمع . الحي . الحارة . النجع . القرية . العشوائيات . فهز دماغه وكأنه يوفقني التشخيص .. يلزم أن يكون العلاج من تلك الأماكن وبيد الساكنين فيها . . فقال لي اذاي . قلت له انا كنت كاتب دراسه بخصوص ذلك ولفيت بيها علي كل ابواب مصر محدش سأل فيا . فابتسم ونظر الي وقال كمل كلامك وكأنه اطلع علي تلك الدراسة. قلت له لازم نولد حيز عمراني جديد لكل محافظة يكون ذلك الحيز متضمن مدن صناعية ومدارس ومستشفيات وخدمات وخلافه. لكن قبل كل شئ انا عندي فكره. أن تقوم كل محافظة بعمل دراسة شاملة عن محافظتها تذكر فيها السلبيات والايجابيات . ونشوف الايجابيات ونبني عليها . مثلا محافظة المنيا الايجابيات بتاعتها انتاج العنب والبطاطس والطماطم والقمح والمحاجر والايد العاملة .. نبدأ الأول في حيز المحافظة ببناء مصانع لتلك المنتاجات وقبل ما نبني المصانع نحط خطة لكيفية تعبية وتغليف وتسويق وتصدير منتاجات المصانع . طبعا في أرض صحراوية كتير . نصتصلحها ونزرع الحبوب والفواكه والخضروات ال ممكن المصانع تحتاجها . وطبعا اولاد المنيا يشتغلوا في المصانع ويزرعوا الأرض
وطبيعي هيكون في مدينة سكنية جديدة وطبيعي هيكون في مدارس ومستشفيات . يبقي بكدة انا بدأت العلاج من مكان المشكلة وبيد اولاد
المصانع والارض هيشغلوا ناس .هنا مواجهة الفقر . المدارس الجديدة تعلم ناس بنظم حديثة تتماشى مع ثقافة احتياج المصانع والتسويق والتجارة والزراعة وخلافة . هنا عالجت الجهل . والمستشفيات هتكون بنظم وطرق حديثة هنا عالجت المرض .. وبكدا اكون سيطرت علي التطرف ال هو وليد تلك المشكلات . والفساد ال هو نتيجة بيروقراطية ثقافة الادارة عن طربق وضع اسس سليمة للادارة والبناء في تلك المناطق. وأيضا تطبق تلك الأفكار في جميع المحافظات . فمنها من يشتهر بصناعة المعدات . او المنسوجات .الخ . هنا إقامة قاعدة صناعية وزراعية متنوعة وراسخة قائمة علي الذات الوطنية فيصعب محاربتها من الخارج . وبذلك نكون بدأنا البناء السليم من القاع للقمة..فنظر لي الريس وايقنت انه عاوز يسالني في كيفية الادارة والتمويل .. قلت له لازم يتغير نظام الإدارة المحلية جذريا ولازم الهيئة الهندسية تتولي تنفيذ تلك الدراسة. ونظرت بجانبه فالمحت دراستي التي كتبتها منذ سنوات . فقال لي طيب والموارد قلت له لازم الأول اقول رأي في كذا حاجة . الفساد والتطرف لا يمكن مواجهته بالقانون المدني . لأنه لا يفل الحديد إلا الحديد لازم تطبق الاحكام العسكرية.. التعليم يا ريس متبهدل في مصر . المناهج حشو في حشو
المعلم يا ريس الطلبة مبهدلاه . لازم حصانه علمية وتربوية له. كثافة الفصل كبيرة جدا . لازم التعليم يستلم إدارته الجيش علي الاقل لمدة خمس سنين … الفيس بوك ومواقع التواصل الاجتماعي . لازم يكون في قانون للمحاسبة… يا ريس قبل ما أنسي كثير من المشكلات محتاجه حزم وقوة علشان لا تتفاقم وانا من رأي ان أمن الدولة يرجع ذي الأول حتى لو فترة محدودة . هرج ومرج يا ريس لازم يكون في حزم.. ونظرت إليه فوجدته بستقراء كلماتي من جلبابي . قلت له معظم الشعب معاك يا ريس . قوتك نابعة من شعبيتك. انا عارف ان الحمل تقيل عليك جدا وعارف ان في حصار عالمي غير معلن علي مصر في شخصك. وقلت له لكن لازم تعرف أن ال معاك اقوي بكثير . يا ريس انت معاك ربنا ودعوات الملايين من المصريين.. عارفك مستحمل كثير وصابر علي ناس كتير بتخون وتهدم وتتأمر وتهاجمك. ناس مغيبه او متعمده . لو الناس دا قعدت مع نفسها وتخيلت بناتها او نسائها في احضان داعش امام عيونهم كانوا عرفوا قيمتك. لو الناس دا تخيلوا اولادهم طعام لاسماك البحر كانوا عرفو قيمتك.. معلش يا ريس .. فابتسم بروح ابيه احمس وقال لي ابدا كلهم اولادي …فقال لي مرة اخري كيفية توفير الموارد المالية . فوضعت يدي في جيب سديري الصعيدي تحت جلبابي وسحبت له ورقه فيها ملخص عن كيفية توفير الموارد… فنظر في الورقة وبصوت عالي طلب مدير مكتبه . وقال له الان اصدر قرار بتعيين جمال رشدي . رئيسا لوزراء مصر …. واذا بها خالتي تحية ال بتبيع بطيخ في شارعنا بتقول بطيخ للبيع قمت مفزوع من النوم علي صوتها .. وجلست علي سريري دقائق احاول ان أنهي حلم مقابلتي لفخامة الرئيس…
جمال رشدي
