..كل عام وأنتم بخير…..
بكره المدرسه…..لازم أدفع المصروفات
جايب شنطه جديده…..أحط فيها الأدوات
ياخوفي من المدرسين…..وكثرة الطلبات
هات كراسه صفحه وصفحه وجلاد لون المُغات
والقلم يكون بجومه….مبري من جميع الجهات
إسمك ع الكراس…..مكتوب بكل اللغات
لسه العيش والغموس…..لزوم السندوتشات
مع مصروف يومي…..للكانتين والحلويات
بكره يقولوا رايحين النزهه…..هات إشتراك الرحلات
نسيت الدروس الخصوصيه وفلوس المواصلات
والكتب الخارجيه…..ورق الخرايط…..الملزمات
الله يكون ف العون…..أكيد…..محتاج صلوات
…..مدرستي نموذجيه…..( خمسه فرفشه )
تعلمت من مدرس العربي أسماء الإشاره
من مدرس العلوم بطوبتين أعمل شراره
بتاع الرياضيات…..عصبي…..بيقولوا شال المراره
مدرس التاريخ…..علي ودانه…..ساند النضاره
ومدرس الألعاب…..ف إيده ع الدوام صفاره
مدرس الجغرافيا…..مشتاق…..يطلع إعاره
ومدرس الأحياء…..رابط البنطلون بدوباره
مدرس الفيزيا…..غايب النهارده…..عنده حراره
ومدرس الكيميا…..بيتكلم…..بالقطاره
أمين المكتبه…..حاطط عراقيل…..أمام الإستعاره
مدير المدرسه…..مُدمن…..للبايب والسيجاره
مدرستي نموذجيه…..عِلم…..فن وإداره
محمد صلاح…..هدفه…..أجمل جون
محمد صلاح صاحب أجمل وأحلي جون
رافع راس بلدي…..العالم بيحبه بجنون
سفير لبلده مصر…..الله يكون ف العون
علي قريته وعائلته…..وجدناه…..حنون
بالفعل مصري أصيل…..بالحق إبن فرعون
