ماذا يحدث فى أبو قير
على شواطىء شرق اسكندرية معدات الحفر و الردم “سبارتاكوس” العملاقة في مهمة تعتبر الأولى من نوعها في مصر الكراكات البلجيكية التابعة لشركة “ديمي” العالمية بتردم داخل البحر على شاطىء أبو قير بهدف إنشاء جزيرة صناعية عملاقة
على الجزيرة الصناعية هيتم انشاء الميناء البحري الأضخم على شواطىء البحر المتوسط بخلاف مدينة عالمية هتضم سلسلة من الأبراج السياحية ، فنادق فاخرة بتديرها أشهر العلامات الفندقية في العالم ، مستشفيات و مولات تجارية و مدارس و نوادي رياضية و جامعات أجنبية عريقة
“أبو قير” هتكون اول مدينة مصرية و افريقية يتم بناءها على جزيرة صناعية مش منتجع سياحي او حي صغير دي مدينة متكاملة ظهرت من العدم من قلب بحر اسكندرية مدينة اقتصادها هيكون قائم على السياحة و التجارة بتحتضن أكبر ميناء بحري على البحر المتوسط واللي بمجرد ما عرضنا الميناء للاستثمار استقبلنا عشرات العروض من الشركات العالمية استقرينا في الآخر على شركة هاتشيسون الصينية اللي قررت من أيام إنها تضخ ١.٥ مليار دولار في مصر مدينة أبو قير البحرية كمان اول مدينة مصرية من الجيل الخامس هتدار بأحدث الطرق التكنولوجية اللي توصل ليها العالم في مجال إدارة المدن وده بالتعاون مع شركات صينية كتير أهمها HUAWEI العالمية
“أبو قير” هتكون حلقة الوصل بين شبكة قطارات مصر السريعة “حابي Hapi” وده لأنها هتضم محطة قطارات تبادلية Hub Station على غرار محطة عدلي منصور في القاهرة هتكون تبادلية بين الخط الرابع للقطار السريع و مترو الإسكندرية
المدينة فيها ميزة تانية مهمة جدا وهي انها هتحتضن اكبر شاطىء عام في تاريخ اسكندرية على مساحة ٣٨٥ فدان ، متنفس ضخم و شاطىء عام من غير تعديات من غير كافيهات من غير نوادي نقابات ، ٣٨٥ فدان شاطىء رملي و بس مفتوح لجميع أهالي إسكندرية و ضيوفهم في فصل الصيف
“أبو قير” قاطرة التنمية بمنطقة شرق اسكندرية هتوفر ٢٠٠ الف فرصة عمل مباشرة و غير مباشرة لأهالي المدينة و هتوفر حيز و متنفس جديد يساعد في تخفيف الضغط على أحياء شرق و وسط اسكندرية
