قصة ملهمة هكذا تحول من شخص لا يملك جنيه لمشروع كبير وناجح
تداول نشطاء عبر موقع التواصل الاجتماعي الفيسبوك، قصة نجاح لشخص يدعى كيرلس، والتي قال فيها عن لسانه: “أنا اسمي كيرلس ميلاد، يوم 28 يوليو 2017 تركت الشغل ورجعت البيت مكنش معايا أي فلوس، فضلت أدور علي شغل كتير مالقتش، ففكرت اعمل أي حاجة تجيبلي فلوس. عملت مشروع اسمه #طلباتك_أوامر عبارة عن إني بشتري لأهل الظاهر ( الخضار- الفاكهة – اللحمة – الأدوية – الخ) أول يوم نزلت مكنش معايا فلوس، استلفت من حد 400 جنيه عشان اشتري للناس الطلبات وكنت بشتري للناس الطلبات وامشي بها من 30 دقيقة لـ ساعة، كنت بشيل من 20 لـ 30 كيلو وأنا ماشي علي رجلي. ويضيف، ربنا كرمني وبعتلى عجلة، الحمد لله المشروع انتشر على الفيسبوك وصورت مع 8 قنوات وعملت لقاءات صحفية مع 11 جريدة وربنا بارك في المشروع. والحمد لله فتحت محل عطارة وعلافة – بقالة ومنظفات .#عنوانه 30 شارع حمدي جنب مدرسة المارونية. مش هنتكلم علي جودة منتجاتنا ولا أسعارنا الرخيصة، هنقولك الجديد ، عندنا 1- كراسي لراحة كبار السن. 2- مشروبات مجانية. 3- خدمة توصيل 010301536924. 4- دليل الظاهر (تقدر تسأل علي رقم أي صنايعي أو عيادة أو مينيو محل أو أي حاجة واقفة قدامك تعالى اسالنا وإحنا نساعدك). 5- هتسمع كتب مسموعة يعني هتستفيد بالدقائق اللى بتشتري فيها، وموسيقي هادئة بتقنية السبلمنال ( ودي بتساعدك ان حياتك تكون أفضل بشكل لا واعي). 6- كل يوم هتلاقى ورقة فيها نصائح وملخصات أشهر كتب تطوير الشخصية. 7- كل فترة هايكون فيه كورسات مجانية ” هدية ” لعملاء المحل في مجال تطوير الشخصية والعلاقات والنجاح في الحياة، وده عشان أنا دارس فلسفة وعلم نفس بقالي 5 سنين ومدرب تنمية ذاتية مُعتمد من البورد الأمريكي. وأختتم كيرلس قائلاً: #طلباتك_أوامر” الأمانة سر النجاح.
