الحكومه قامت بالسلامه…..قدموا الموغات
ولاده عسره…..أنجبت…..ست بنات
قصدي عينت الحكومه…..ست ستات
ف الوزاره الجديده…..محافظ وخمس نائبات
خطوه جريئه…..يالا…..وزعوا الشربات
باقي نشوفهم…..ع الطبيعه…..مجتهدات
يهتموا بالمواطن…..كمان…..ينضفوا الطرقات
الشوارع والميادين…..يشيلوا القاذورات
يمنعوا البلطجه…..تعود من تاني الكرامات
وأسعار السلع…..عايزه …..مراجعات
توفير المواد التموينيه…..م الأولويات
يهتموا بالتعليم…..المدرسين والمدرسات
يمنعوا التوكتوك…..فوضي السيارات
ع الطريق السريع…..يقننوا السرعات
زادت حوادث الخطف…..كثرت السرقات
البناء محتاج ملاحظه…..مخالفة العمارات
أدوار بدون ترخيص…..الرشوه والإكراميات
نفسي أشوفك يابلدي…..رافعه الرايات
ده مصر بلد الثقافه وأصل الحضارات
مكتبة إسكندريه والثلاث أهرامات
