الجهل شئ سيء جداً واللي أسوأ منه الجهل المغطى بالإيمان الساذج!
الناس اللي مش مدركة خطورة الموقف رغم كل اللي بيتقال و لسة بتتجمع بدون سبب كلنا هندفع التمن بسببهم!
الناس اللي بتتجمع و بتقنع نفسها ان اللي ربنا عاوزه يكون هيكون ده مش إيمان
هل اقتناعك بإن اللي ربنا عاوزه يكون هيكون بيخليك تمشي من غير ما تبص على الطريق و العربيات
هل بيخليك تروح ترمي نفسك عند قضبان القطر و تشوف ارادة ربنا هتنقذك و لا لا؟
اكيد لا لأن ده مش إيمان دي سذاجة
إنما بقى الناس الأشباح في نفسهم اللي بيقولوا احنا لسة شباب و لو جالنا هنخف (بالرغم ان ده شئ مش مؤكد ابدا) بس لو اعتبرنا ان مناعتك هتقدر عليه هل مناعة مامتك باباك جدك جدتك هتقدر عليه هل مناعة الانسان الكبير في السن او اللى مصاب بأي نوع cancer او اى مرض مناعي او اي أمراض مزمنة اللى انت ممكن تعديهم لما تاخد منهم أجرة المواصلات مثلا او تقعد جنبهم في المترو او حتى تخبط فيهم في الشارع صدفة و هما بيكونوا مضطرين ينزلوا علشان يقبضوا المعاش يجيبوا علاج أو ياخدوا علاجهم في المستشفيات او حتى يروحوا شغلهم علشان ميترموش في الشارع و يقدروا يأكلوا عيالهم بس انت نازل تعمل زحمة غير مبررة و تروح تعمل quarantine night مع اصحابك! فانت كدة انسان اناني و مؤذي بكل المقاييس!!الأمر دلوقتي مبقاش متعلق بيك لوحدك و الأذى مبقاش شخصي بقى بيطولنا كلنا! خليك في البيت دلوقتي علشان تعرف تخرج منه بعدين ربنا يعديها على خير
