اعترافات ” نورهان ” المتهمة بقتل صديقتها والمعروفة إعلاميا بـ شهيدة الغدر بكفر
نص تحقيقات النيابة العامة في واقعة فتاة البحيرة واعترافات ” نورهان ” المتهمة بقتل صديقتها والمعروفة إعلاميا بـ شهيدة الغدر بكفر الدوار في محافظة البحيرة، وذلك بمشاركة إثنين آخرين في ارتكاب الجريمة التي شغلت الرأي العام في مصر بصفة عامة ومحافظة البحيرة بصفة خاصة حتى تم كشف غموض الحادث وضبط مرتكبي الجريمة.
وقالت المهتمة ” نورهان.ج.س” 23 عامًا، طالبة ومقيمة بعزبة معتوق بالبسلقون التابعة لمركز كفر الدوار: “المجني عليها صديقتي منذ 4 سنوات، وكانت علاقتي بها جيدة حتى تغيرت العلاقة بيننا منذ عام عقب خطوبتي مباشرة”.
وتابعت: “المجني عليها نجلاء، كلمت خطيبي إنني كنت علي علاقة بشاب قبل الخطوبة به وتسبب ذلك في مشاكل مع خطيبي، وكانت فيه مشاكل بيننا وكانت تضايقني، فقررت الانتقام منها بمساعدة المهتمين معي”
وأوضحت المتهمة في اعترافاتها: “خططنا لتنفيذ الجريمة في المرة الأولي قبل شهر من قتل ” نجلاء “، ولكن سائق التوك توك رفض المشاركة مما دعانا لتأجيل الخطة حتى تم تنفيذها مرة أخرى، وإلى نص التحقيقات”.
وإلى نص التحقيقات
س/ ما تفصيلات اعترافك ؟
ج/ اللي حصل اني انا ونجلاء صحاب من حوالي اربع سنوات ومن السنة اللي فاتت ايام خطوبتي في شهر أغسطس بدأ أسلوب “نجلاء” يتغير معايا وانا بشتري الشبكة بتاعتى عملت مشكلة مع أقرب صاحبه لي وخلتها متحضرش خطوبتي وحتى يوم الخطوبة لما جيت اكلم صحباتي البنات قالتلي متصلش بحد وان محدش بيحبني وأنهم لو بيحبوني كانوا جم لوحدهم ويومها اتعرفت على صاحبها محمد علي بسببي ورغم اني انا سبب المعرفة بينهم مكنتش بتحكيلي حاجة خالص عن صحبتهم واتفاجأت كمان ان هي كانت بتتكلم مع خطيبي وبتقول له ان لبسي مش محترم ,واني كنت اعرف حد قبله, ومارسنا جنس سوا وكان هيسبني بسبب الكلام ده مع انه محصلش وكمان كنت بروحلها العيادة كتير ولما بتكون مش فاضية كنت بقعد مكنها وعمري ما زعلتها بحاجة وكنت تعبانه فترة كبيرة ومكنتش بتسأل علي وكانت بتكلم خطيبي وفي فترة مامتي كانت بتاخد جلسات علاج علشان كان عندها العصب السابع وانا مكنتش فاضية خالص بعتتلي رسالة ومردتش عليها وكانت بتلومني وتهزئني علي الرغم اني بعتلها کارت الكشف بتاع ماما حتي مقلتليش الف سلامة عليها وهي بتلومني .
ورحت انا صالحتها في العيادة بعدها بالرغم من كده الكلام قل ما بينا وبطلت تكلمني وكرهت كل اصحابي فيه وهي اصحبها كانو كتير قوي وكنت متغاظه منها ومش عارفه اعمل فيها ايه وفي شهر يونيو اللي فات اخدت رقم مصطفي وهو قريبي من بعيد وجارنا في البلد وكلمته وقولتله ان نجلاء سرقه مني حاجات ومبدده علي حاجات تانيه وكلمنا ده كان في كلام منه علي الوتس وكلام في التليفون وقولتله اني عايزه انتقم منها وافش غلي فيها، حتي لو هنخلص عليها وفكرنا في كذا حاجه ومصطفي قالي ان والده بياخد نوع دواء منوم وبعتلي اسمه علي الوتس اب وانا كنت بعتاله علي الوتس صوره نجلاء وراح عند العيادة مرتين علشان يتاكد من صورتها واتفقنا اني اشتري الدوا المنوم بس بتركيز اعلي من اللي والده بيخده وادوبه في عصير في العيادة وادهولها وانزل بيها الشارع ويكون محضر توكتوك ساعتها ونخدها بعيد نقتلها وبعد كده روحت اشرتيت الدواء فعلا وجبته بتركيز ۱۰۰ لأن والده كان نفس الدواء بس بتركيز ۲۰ وكان بعتلي صوره التوك توك وخلاص كنا هنفذ كلمني وقلي ان سواق التوك توك مرضيش وبعدها مصطفي قلي انه هيقول لمحمد صاحبه انه يساعدنا في الموضوع ومحمد ده قربنا من ناحية والدتي بس مش جارنا في البلد وقولتله لو محمد احتاج اي فلوس علشان ينفز معانه انا هديله الفلوس اللي هو عايزها بس اهم حاجه انه ميعرفش ان انا اللي في الموضوع عشان هو قريبي من ناحية امي واتفقنا اننا نقتلهم يوم يكون الدكتور مش في العيادة فيه وحددنا يوم الثلاثاء الموافق ۲۰۲۱/۸/۳ ان احنا هنخلص معاها ويومها انا حضرت شوية حاجات مقص لقص أسلاك الكاميرات وصامولة لكسرها وموس لتهديد نجلاء و لاصق طبي علشان نكتم نفسها والمنوم اللي كان معايا عصير.
واتفقنا ان مصطفي ومحمد هيستنو تحت وانا هطلع اديها المخدر ويطلعو بعد كده يقتلوها وان فعلا طلعت وشربت شويه عصير وخليت شوي وحطيت فيهم المنوم وقولت نجلاء خدي شوية العصير دول ومردتش وقالتلي مش عايزة ورحت دخلت الحمام بتاع العيادة و اتصلت بمصطفى وقلت له هات محمد وتعالى وبعدها هما طلعو ودخلو العيادة وساعتها مصطفي حط ايده علي بقها عشان يكتم نفسها ومقدرش عليها وراح محمد ساعده ومسكها ووقعها
علي الأرض وهي خربشت محمد في رقبته راح مصطفي خنقتها من زورها وضرب دمغها في الأرض ورحت قلتلها بوظتي حياتي ضربتها في دماغها برجلي والسكينة في رجليها من تحت وفي رأسها اللي كنت جيباها من مطبخ العيادة وغسلنا أيدينا في العيادة وهدومنا واخدت السلسال والحلق والخاتم ومصطفي فتح شنطتها خد فلوس وموبايلي وانا اخدت المج وقصيت سلك الكاميرات ومصطفى كسرها بالصاموله واخدت كاميرا منهم مصطفى فكهاني ونزلنا ومشيت لوحدي ناحية نادي الشركة رميت المج وحرف السلسلة والسكينة والكاميرا والخاتم والحلق وبعد كده جم المباحث اخدوني من البيت وهو دا كل اللي حصل.
س/ وما علاقتك بالمتوفاة إلى رحمة مولاها ” نجلاء نعمة الله سعيد”، وهل من خلافات؟
ج/ هي صاحبتي من اربع سنين ومكانش في مشاكل بيننا غير انها كانت بتضايقني.
س/ ما هي طبيعة تلك المضايقات تحديدا؟
جاهي كانت من سنة من ايام الخطوبة بتاعتي بتضايقني واسلوبها متغير معايا حتي وأنا بشتري شبكتي جت من غير متقول لصاحبتي الأنتيم وضايقتها واحنا في المحل وخلتها محضرتش الخطوبة بتاعتي وحتى يوم الخطوبة لما جيت اتصل بأصحابي قالتلى هما لو بيحبوكي كانوا جم وقالتلي صحابك مجوش ليه وعرفت كمان انها بتقول عني كلام محصلش لخطيب كانت بتقول اني مصاحبة ولد قبله واني غلطت معاه وكان هيسيبنى بسببها وكمان يوم الخطوبة اتعرفت علي صاحبها بسببي لانه كان سايق العربية بيا انا وخطيبي وعلى الرغم من كده مكنتش بتحكيلي حاجه خالص وعايز اني انا اللي احكيلها كل حاجه ومن فتره والدتي جالها العصب السابع وكانت بتعمل جلسات علاج طبيعي وانا كنت مخنوقه ومكنتش بكلم حد و بعتتلي رساله لما مردتش عليها قعدت تهزقني وبعتلها صورة الكشف بتاع ماما كملت زعيق ليا ومقولتليش حتى الف سلامه عليها وبرضوا في مره تعبت كانت عارفه وبتتكلم مع خطيبي ومش بتكلمني تقولي سلامتك بس انا قلت اطلع احسن منها ورحتلها العيادة عشان مش بحب يفضل حد مش بيكلمني وبرضو فضلت مبتكلمنيش غير قليل بعدها.
س/ ومتى تكونت لديكم نية القتل؟
ج/ من حوالي شهرين.
س/ وما سبب ذلك تحديدا؟
ج/ انا قررت كدا لاني كنت متضايقة جدا منها ومش عارف اعمل فيها ايه وافش غلي.
س/ وما الأفعال التي بدرت منك تحديدا آنذاك؟
ج/ خدت رقم مصطفي كلمته عشان اقوله على الموضوع.
س/ وما علاقتك بسالف الذكر وهل من خلافات؟
ج/ هو جارنا من البلد و قريبنا من بعيد ومفيش اي خلافات.
س / وما سبب اختيارك لشخص مصطفى تحديدا ؟
ج/ لان مصطفى كان بيجي عندنا المحل بتاع ابويا يشترى حاجات ومكنتش اعرف غيرة بالاضافة أنه قریبی و جاری من ناحية عائلة أمي وكمان عارفه ان مصطفى عقله صغير ويوفقني في كل حاجه.
س/ متى تم اول اتصال فيما بينكم؟
ج/ في شهر يونيو اللي فات.
س/ وما هي كيفية الاتصال فيما بينكم؟
ج/ کنت بتصل بيه علي تليفونه وبنتكلم ساعات عالواتس.
س/ وما هو رقم الهاتف الخاص بك والخاص بسالف الذكر؟
ج/ رقمي ۰۱۱۶۳۱۸۹۱۰۸ ورقمه ۱۲۲۷۱۷۱۳۰۸.
ما وما طبيعة الحوار الذي دار فيما بينك و سالف الذكر تحديدا آنذاك ؟
ج/ انا قلتله ان نجلاء تبقي صاحبتي وانها سرقة مني خاتم وحلق وايفون وانها رافضه ترجعلي الف جنيه اخداها مني وانا متغاظه منها وعايزه افش غلي فيها واخلص منها.
س/هل أجابك الأخير لطلبك؟
ج/أيوة.
س/ وما سبب موافقة مصطفي لكي وما وجه الاستفادة التي تعود عليه ؟
ج/ هو انا اقنعت مصطفي انه يجي معايا علشان اخلص منها لان هي كانت سبب تعب في حياتي وهو وافق شهامة منه عشان يرجعلي الحاجة اللى انا اقنعته انها مسروقة مني وكمان عرضت عليه فلوس لو خلصنا الموضوع بس محددتش المبلغ وكمان انا عارفه ان مصطفى عقله صغير ويوفقني في كل حاجه.
س/ وهل قامت المجني عليها بسرقة ثمة منقولات خاصة بكي كما قررت المدعو مصطفي؟
ج/ لا انا قولتله الكلام ده علشان اقنعه انه يجي معايه ونقتل البت وافش غلي فيها بسبب المشاكل اللي كانت عملهالي بيني وبين خطيبي وكانت مخلياني افكر في المشاكل دي دايما وفي حالة اكتئاب.
س/ وما هي المشاكل التي كانت بينك وبين خطيبك في تلك الفترة ؟
ج/ هو كان عايز يسبني انها كانت قيلاله کلام عني مش كويس اني اعرف حد قبله و غلطت معاه
س/ ما مضمون الاتفاق الذي تم فيما بينك والمدعو/ مصطفى للوصول لغرض كم آنذاك؟
ج/ هو احنا فكرنا كتير موصلناش لحل بعد كده مصطفي بعتلي اسم دواء منوم والده بياخذه بس بتركيز قليل واتفقنا اني اجيبه تركيز عالي واروح بيه العبادة نجلاء اديهولها في عصير وهو يستناني تحت بتوك توك ناخدها ونمشي نموتها ونسيبها على الطريق.
س/ وما الإجراءات التي قمتم باتباعها لتنفيذ ذلك المخطط؟
ج/ أنا رحت الصيدليه وقلت لهم اسمه وطلبت شريط من الدواء وهو بعتلي صور توك توك وقبل ما ننفذ اي حاجه رجع قالي مش هينفع عشان ملقاش توك توك وكنت كمان بعتله صورتها على الواتس وهو راح العيادة تتأكد من شكلها .
س/ ما عدد مرات تردد المدعو مصطفي علي محل عمل المتوفاة الى رحمة مولاها؟
ج/ هو راح مرتين.
س/هل كان سالف الذكر بمفرده آنذاك؟
ج/أيوه هو راح لوحده انا مكنتش معاه.
س/ ما سبب ذهابه تحديدا آنذاك؟
ج/عشان يتأكد من صورتها عشان لما ننفذ القتل.
س/ وما هي الأفعال المادية التي بدرت من سالف الذكر آنذاك ؟
ج: اهو راح مره تحت المول شافها وهي نازله من الشغل في العيادة وانا كنت معارفه موعدها ومره ثانيه طلع فوق دخل العيادة وسألها علي الدكتور.
س/ وما هي الأدوات التي قمتم باعدادها لارتكاب تلك الواقعة؟
ج/ بر شام اسمه كلوزابكس تركيزه ۱۰۰.
س/ ومن القائم على شراء تلك الأقراص؟
ج/ أنا لوحدي.
س/ ومن این تم التحصل عليها؟
ج/ من صيدليه عند الكوبري الواطي.
س/ وهل تمكنتم من الوصول الى غرضكم آنذاك؟
ج/لا
س/ وما الذي حال دون ذلك؟
ج/ علشان ملقناش توك توك.
س/ وما هو تاريخ الشروع بتنفيذ الواقعة الأولى؟
ج/ من حوالي شهر.
س/ هل تم التوجه لمحل عمل المتوفاة الى رحمة مولاها لتنفيذ ذلك المخطط؟
ج/لا انا احتفظت بالبرشام معايا في شنطتي.
س/ وهل اتفقت على إرجاء التنفيذ وتم تحديد ميعاد آخر آنذاك ؟
ج/ انا قولتله خلاص مش هينفع دلوقتي ونبقي نخلص الموضوع دا في العيادة بس ساعتها محددناش میعاد تنفيذ.
س/ وما الذي حدث عقب ذلك؟
ج/ أنا كنت في يوم مخنوقه وكلمت مصطفي قلتله احنا لازم نخلص الموضوع قالي انه بيكلم محمد عشماوي يساعدنا في الموضوع وانا وافقته.
س/ ومتى تم ذلك الاتصال تحديدا ؟
ج/ في أواخر شهر سبعة.
س/ وما سبب تجدد الفكرة لديك بقتل المتوفاة الى رحمة مولاها؟
ج/هي الفكرة مكانتش راحت احنا بس كنا بندور علي طريقة لتنفيذها في يوم كنت مع اهلي في البحر في العجمى بس كنت مخنوقه ومتضايقه من نجلاء ومش ببطل تفكير فيها وانتقامي منها وكانت دايما تتصل تنكد عليه ومخليه علاقتي بخطيبي وحشه وساعتها قررت اتصل بمصطفى تاني علشان نروح ونخلص منها وهو ساعتها اني ان هو هيجيب محمد عشماوي يساعدنا في الموضوع.
س/ وما علاقتك بالمدعو محمد عشماوي وهل من خلافات ؟
ج/ هو جارنا من البلد وقرينا من بعيد.
س/ وهل المتهم محمد عشماوي على علم بالخلاف فيما بينك والمتوفاة الي رحمة مولاها؟
ج/ لا هو ميعرفش انا اتفقت مع مصطفى أنه ميقلوش أن الموضوع يخصني وأنه هو يبقي حلقة الوصل بيننا.
س/ وما سبب اشتراك المتهم محمد عشماوي في تلك الواقعة؟
ج/ عشان ياخد فلوس.
س وما هو مقدار ذلك المبلغ المالي تحديدا؟
ج/ هو مصطفي اتفق معاه على مبلغ خمسمائة جنيه.
س/ وهل كان المدعو محمد عشماوي على علم بالخطة المسبقة إزهاق روح المتوفى الى رحمة مولاها؟
ج/ هو مصطفى كان متفق معاه انه يجي معانه مقابل مبلغ خمسمائة جنيه بس انا معرفش طبيعة الاتفاق بينهم وصل لحد فين لان الكلام كان بينهم بس.
س/هل من المنطق أن يوافق المتهم محمد عشماوي الاشتراك بارتكاب الجريمة مقابل ذلك المبلغ الزهيد؟
ج/ أنا معرفش علشان انا محضرتش الاتفاق فيما بينهم.
س/ وهل قمتم بالتقابل فيما بينكم جميعا؟
ج/ لا انا ومصطفي كنا بنتكلم ومحمد ومصطفي كانوا بيتكلموا.
س/ وما مضمون الاتفاق الذي تم فيما بينكم؟
ج/ اتفقنا اني اروح العيادة واحطلها كذا برشامة في العصير ومحمد ومصطفي يطلعو يحطوا لزق علي بقها عشان متصرخيش ويخنقها وننزل بعد منقطع سلوك الكاميرات ونكسرها.
س/ وما هي الأعمال التحضيرية لتنفيذ ذلك المخطط؟
ج/ أنا حضرت لاصق طبي ومقص ونصل كتر من البيت وصاموله حديد من محل بابا بتاع حدايد وبويات في معتوق وشريط البرشام اللي كان معايا من قبل كدا وعصير.
س ما الموعد المتفق عليه لتنفيذ ذلك المخطط؟
ج/ حنا اتفقنا ننفذ يوم الثلاثاء 3/8/2021.I
س/ وما سبب اختياركم لذلك الموعد؟
ج/ لان الدكتور بيكون مش موجود في العيادة في اليوم دا .
س/كيف نما إلى علمك بذلك؟
ج/ لان انا كنت بروح لنجلاء العيادة كتير وساعات بشتغل مكانها لما بيكون وراها مشوار او حاجه.
س/ وما الدور المتفق عليه فيما بين كلا منكم في ارتكاب تلك الواقعة؟
ج/ هو المفروض اني انا كنت اديها المخدر وهما يطلعو يحطو اللاصق علي بقها عشان ما اصرخش ونموها.
س/ وما هي الأفعال المادية التي بدرت من كلا منكم في ارتكاب تلك الواقعة؟
ج/ أنا اخدت الحاجات اللي كنت محضرها واديت بس نصل الكتر واللاصق لمصطفي وقابلت مصطفي عند المحطه وساعتها محمد مكانش معاه وروحت العيادة كنت حاطة الحاجات في شنطتي ودخلت علي نجلاء هي بتبقي سايبه الباب مفتوح وقعدت معاها وقمت حطيت العصير في المج بتاع العيادة وحطيت في البرشام بس مديتهولهاش حطيته ادامها علي المكتب عشان قبلها كنت عازمة عليها بعصير عادي قالت انها لسة شاربه طلعت دخلت الحمام وكلمت مصطفي وقولتله تعالو اطلعو وانا هعمل نفسي تعبانه في الحمام واخليها عن الباب ناحية اوضة الكشف وضهرها له عشان محدش يحس لما يدخلو وقفلوا الباب وراهم ولما طلعو قفلو الباب ومصطفي جه من ورا حط ايده على بوقها علشان كان عايز يكتم نفسها ووقعت على الأرض وبعدها محمد برده دخل عليها ومسكها من زورها وخنقها ولما قعدت تتحرك كان كل شويه واحد يمسك زورها ويكتم نفسها منهم ومصطفي قعد يضرب دماغه في الأرض قامت ساعتها خربشت محمد وهي بتطلع في الروح طلع يجري ومصطفي فضل فوقها جبت سكينة من المطبخ وجيت اضربها بيها جت واحده في رجلها والتانيه في راسها وقلتلها منك لله بوظتي حياتي وضربتها برجلي في راسها وبعدها قطعت سلك الكاميرات بالمقص ومصطفي كسرها بالصاموله وفك واحده ادهالي وانا قلعتها السلسله والحلق والخاتم وهو فتح شنطتها اخد فلوس واخد تليفونها وتليفون العيادة وساعتها وغسل التيشرت بتاعه من الدم وانا غسلت المج ونزلنا كل واحد من ناحية بعد مطلعنا من المول ورميت الحاجات اللي معايا جمب نادي الشرکه وقابلت مصطفي تاني عند كوبري المراكبيه اخدت منه الفلوس وسيبتله الموبيلات وروحت واتفاجئت بالمباحث جمع مسكوني من البيت .
س/ وما المدة فيما بين مغادرة المدعو محمد عشماوي لمحل الواقعة ومفارقات المتوفاة الى رحمة مولاها للحياه؟
ج/ هي مدة قصيرة وكانت خلاص اتخنقت و يطلع في الروح.
س/ وهل حاولت المجني عليها المقاومه ورد الاعتداء الواقع عليها ؟
ج/ هي كانت بتعافر بس احنا كتير عليها وامتلكنا فيها كويس.
س/ وما الأفعال التي قمتي بإتيانها والمتهم مصطفي قبل المجني عليها عقب مغادرة المتهم محمد عشماوي؟
ج/ هو محمد عشماوي لما جري كانت نجلاء خلاص بتخلص ومصطفى كامل خنق في نجلاء وضرب راسها تاني في الارض وانا روحت جريت علي المطبخ بتاعت العيادة وقعد اغزها بالسكين في رأسها ورجليها
س: ومتى تيقنت أن المجني عليها قد فارقت الحياه ؟
ج/ أنا بعد ما ضربتها بالسكينه وكان مصطفي خنقها نجلاء مبقتش تتحرك فسألته هي كده خلاص ولا لسه قلي هي كده خلاص ماتت .
س/ وهل ابصرهم احد حال دلو فكم لمحل الواقعة؟
ج/ لا مكنش حد شايفنا تقريبا.
س/ وما الافعال المادية التي بدرت منكم عقب اتمام الواقعة؟
ج/ هو انا قلعتها الدهب بتاعها السلسال والحلق والخاتم ومصطفي طلعت من شنطتها فلوس وخد موبيلها وموبايل العيادة والساعه بتاعتها وغسلت ايدي والمج وقطعت سلوك الكاميرات ومصطفي غسل التيشرت بتاعه وكسر الكاميرات.
س/ وما هي كيفية مغادرتكم لمحل الواقعة؟
ج/ هو محمد عشماوي نزل الأول ساعه لما اتخربش وكانت ساعتها نجلاء بتخلص خلاص وانا ومصطفي فضلنا مكملين لحد ما تاكدنا انها ماتت ونزلنا على سلالم المول ولما وصلنا تحت كل واحد فينا راح من ناحية.
س/ وما هي المسروقات التي تم الاستيلاء عليها تحديدا ؟
ج/ حلق وخاتم وسلسلة وساعة تليفونين ايفون ونوكيا وكاميرا وسكينه ومج وفلوس
س/ وما سبب الاستيلاء على السكينة والمج ؟
ج/ عشان نخفي آثار الجريمة.
س/ هل قام المتهم محمد عشماوي بالاستيلاء على ثمة منقولات حال مغادرته لمحل الواقعة؟
ج/لا.
س/ ما هي كيفية مغادرتكم لمحل الواقعة بالمسروقات؟
ج/ انا حطيتها في الشنطة بتاعتي اللي بشيلها علي ضهري.
س/ وما الذي حدث عقب ذلك ؟
ج/ أنا رميت الحاجه اللي معايه عند نادي الشرکه.
س/هل تم التقابل فيما بينكم مرة أخرى ؟
ج/أيوة.
س/مع من قمتي بالتقابل تحديدا؟
ج/ أنا ومصطفى.
س/وما سبب تقابلك آنذاك؟
ج/أنا كلمته طلبت منه نتقابل عشان اخد منه الفلوس اللي اخدها من الشنطة.
س/ ما سبب تحصل على المبالغ المالية منه مرة أخرى؟
ج/عشان اصرفها لان هو اخد الموبايلات.
س/أين تم التقابل تحديدا ومتى تم ؟
ج/عند المراكبية يوم الواقعة حوالي الساعة 4 مساءًا.
س/ وما الذي حدث عقب ذلك؟
ج/ انا روحت واتفاجأت بالمباحث جت مسكتني من البيت.
س/ متى تم ضبطك تحديدا؟
ج/ اليوم القتل بعد نص الليل من البيت.
س/ ما الذي أسفر عنه ذلك التفتيش؟
ج/ ملتوش غير الفلوس في الاوضه بس لما رحت معاهم واعترفت لهم دوروا علي الحاجات اللي رميتها وجابوها.
س/ ما سبب ارتكابهم لتلك الواقعة تحديدا؟
ج/انا عملت كدا عشان كنت متضايقه ومتغاظه من نجلاء من اسلوبها و عمايلها معايا ومصطفي ومحمد عملو كدا عشان كان في اتفاق انهم بياخدوا فلوس.
س / وما قصدكم من ارتكاب تلك الواقعة؟
ج/ إننا نموت نجلاء وانتقم منها.
س/ وما سبب قيامهم بالاستيلاء على المصوغات الذهبية الخاصة بالمتوفى الي رحمة مولاها وكذا هاتفها والنقود المملوكة لها؟
ج/ عشان الموضوع يبان سرقة.
س/ وما علاقتك بالأحراز التي تم عرضها عليكي؟
ج/ هو السكينة دي اللي ضربت نجلاء بيها والكاميرا دي اللي اخدناها من العيادة والمج دا اللي اخدته من العيادة واللاصق دا اللي كنا واخدينه معانا والمقص دا اللي قصيت بيه السلوك ودي الهدوم اللي كنت لبساها والتليفون الاوبو دا بتاعي والصغير السايكو دا بتاعي والمطواه دي بتاعة مصطفى والفلوس دي بتاعة نجلاء والتليفون الهدوم التانيه دي بتاعة مصطفى والكتر الي كان معانا والسلسلة والساعة دول بتوع نجلاء والتليفون الايفون بتاعها والنوكيا بتاع العياده الشات بتاع الواتس دا اللي بيني وبين مصطفى.
س/ وما طبيعة علاقتك بالرائد أحمد المسيري وهل من خلافات؟ ج/مفيش علاقه ولا خلافات.
س/ ما قولك فيما سطره سالف الذكر من ارتكاب الواقعة بغرض العمل بدلا من المتوفاه الي رحمة مولاها بذات العيادة؟
ج/لا انا مفكرتش في كده بس كنت عايزه افش غلي منها.
س/ انتي متهمه وآخرين بقتل المجني عليها” نجلاء نعمة الله سعيد” مع سبق الإصرار والترصد بأن بيتوا النية وعقدت العزم على إزهاق روحها و أعددتم لذلك الاسلحة والأدوات المضبوطة وتوجهت لمحل عملها بعد ان ايقنت سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثين ما بهم من إصابات مما أودي بحياتها على النحو المبين بالتحقيقات؟
ج/ ايوة دا اللي حصل انا عملت كدا عشان هي كانت مدمرة لي حياتي.
س/انتي متهمه بسرقة المنقولات والمبالغ المالية المبينه وصفا وقدرا بالأوراق والمملوکه للمتوفاة الي رحمة مولاها كرها عنها بالاشتراك وآخرين حال حملكم أسلحة علي النحو المبين بالتحقيقات؟
ج/ أيوة دا اللي حصل.
