عودي يا بلية ….عودي يا بلية …
كلنا نبحث عن انسانيتنا ..فقدنا في زماننا هذا معني الأنسانيه لدرجه البعض منا فقد الأمل في انه يلاقي شخص عنده انسانية
انسانية الضمير ، انسانية الأحساس والشعور بالأخر ، انسانية الرحمة وايضا انسانية الأنتماء.
بس يا تري بلية هنا بتعبر عن إية …؟؟!!
عن ضحكه ضاعت وسط الجفون ، او بسمه خلاص دارتها الدموع ،
او كلمه اتقالت وسط الزحمه تاهت ماعدتش باينه في صدي الكون .
ولا يمكن فكره بسيطة لواحد غلبان نفسه يكون في السما شبعان ، او زوجه حلم حياتها يكون بيتها سعيد
مش محتاج ، او ممكن حلم لطفل برئ بيجري وسط الزحمة مش قلقان .
او شاب محتاج لعمل يعيش و يحقق منه الأحلام ، او ابنه كل فرحتها وجود أسرتها بسلام .
ولا راجل عجوز سرحان نفسه يضم ولاده لصدره بكل حنان ، او انسان بيبحث عن حب مفتقده مش موجود ،
او لحظه فرحه بتشكل خوفي وخوفك وخوفهم في الأيام وابقي ساعتها بحاول بحاول اكون فرحان .
لماذا الهروب من واقع قادرين نغيره الي الأفضل ؟ لماذا اصبحت حياتنا هو تحويل كل شئ جميل الي قبيح ؟
اصبحت الحياه المثاليه التي كل مااسعي إليها هو مجرد حلم .
عودى يا بلية عودي يا بلية …. عودي يا بلية ….
مقال ممتاز