كتب عمارعبد الرازق
نصيحه حُب لوجه الله تعالى لازم تستغلوا الحظر الكوروني وتمتعوا بوجودكم مع زوجاتكم في البيت وكل واحد يكون مُنصف مع نفسه ويشوف كان بيعمل أيه بيزعلها منه.. وبحب شاركها في عمل البيت وخلي في حوار ممتع وطلع كل جميل فيها بأسلوبك ومعاملتك وتمتع بوجودها جنبك وبلاش عصبيه على الفاضي والمليان ولو في اي حاجه لمها بأسلوب راقي وأروي شجرة الحب اللي نشفت من الضغوط ومتطلبات الحياه وعاملها زي الدين مقالك ….شاركها هواياتعا وأخلق أسلوب جديد في الحوار …والله هتبقى سعيد..
انا كنت أتمنى زوجتي عليها سحائب الرحمه والمغفره تكون معايا كنت حعوضها عن كل لحظة زعل كنت سبب فيها وخليتها تزعل ..
إلحقوا لاقدر الله قبل ماتندموا ..
وربي يا أخواني الزوجه هي روح البيت وزهرته الجميله ..خلوا بالكم من زوجاتكم الكلمه الحلوه تخليها تحطك جوه عينيها ….
هي مش عايزه أكتر من إنك تشعرها بالحب والحنان…
شوفوا حبيبي صلى الله عليه وسلم ليه قال ” أُوصيكم بالقوارير” شوفوا جمال ورقة التشبيه.
بجد ومن قلبي راجعوا أنفسكم حتلاقوا دنيتكم جميله .
حفظكم الله وحفظ لكم زوجاتكم وأبنائكم..ورحم الله زوجتي الطيبه .
كاتب المقال لواء شرطة أرمل ونصيحته من القلب صعيدى من الأقصر .
