اوعى ياريس توافق على رفع تذكرة المترو
التذكرة دى أهم من الكهرباء والعيش والأرز
اوعى تزودها ولو قرش واحد
اللى تحت الأرض ح يطلعوا لك فوق وحيسدوا الشوارع
سيب الناس فى اللى هى فيه
إعتقل الحرامية اللى بيقولوا لك المترو بيخسر
تعالى نحسبها مع بعض
بدل مارئيس الهيئة يرفع التذكرة يخفض مرتبه الشهرى اللى تخطى مئات الآلاف هو ومعاونيه
أوقف التعيين فى المترو لمده خمس سنوات بدل ماكل واحد بيجيب قرايبه .
الحد الأقصى ياريس فى المرتبات . مافيش موظف فى العالم بياخد 42 الف جنيه وكمان مش عاجبهم . على الكل وبلا إستثناء القضاة والجيش والشرطة . والبنوك اى موظف لازم يلتزم . مافيش حد كبير على الدولة
كده مافيش حياد . حياد الدولة فين ياريس
الإعلام كداب . وبيضللوك كل واحد يطلع على الشاشة يقول لك اللى مش عاجبه البلد يسيبها ويغور . كلهم كدابين ياريس كلهم بيغرقوك ويغرقونا
إذا كان هناك أزمة ومطلوب التقشف يبقى على الوزراء أولا ثم نواب مجلس النواب الموقر . وعلى رؤساء الهيئات ومعاونيهم الإتصالات والمياه . والكهرباء .
هتوفر أكتر ماتفرض ضرائب . . الدنيا خربانه عند الغلابة وإذا ماكنتش خايف من مظاهراتهم خاف من دعواتهم .
الغلابه لغاية دلوقتى بيحبوك . وحبهم ليك ده أغلى حاجه فى الدنيا لازم تحافظ عليها .
هم حمايتك وأمانك .
مجلس النواب يصدر إزعاجاً للشعب. يعنى إيه تبرع للقضاه ؟ القضاه بيتقاضوا أجر مثل كل الموظفين ولكنه على الأقل أربعة أضعاف !
مجلس النواب مصدر إزعاج للشعب . تصريحات غير مسئولة . عشوائية
إيه حكاية فساد القمح ؟
إيه حكاية فساد الأرز ؟
لسه فيه كلام
